Dr Pól

1981 isch sell schéni Johr gsii, wú dr Pól s Liecht vun dr Welt erblickt het in dr jódhaltige Luft vun dr Hansestadt Gdańsk. Finf Johr het-s-ne noch im einschtige Breslau un hitige Wrocław ghalte, bivor-er in d Hauptstadt vum wunderschéne Badnerland, made in West Germany, emigriert isch. Dr Ánfang vun sinere Schuellaufbahn isch jäh unterbroche worre, wil d schwèwischi Unterdricker, ganz schlau nóch Gsetz, alli Gaschtärwiter nóch zwei Johr abgschówe hänn. Z Hamburig het-er-sich in hanseátischer Umgéwung widergfunde, het aber schun ball dr Sprung uf Linz im weltoffene Oberéschterrich gwágt.

Grieß Gott sei Dank het-er zwei witere Johr spéter dr Etzis, wú-sich durich d Piefkes un d Polacke récht schnell „narrisch“ mache lehn, Pfirti Gott ságe kenne un het-sich in d letschti Kohlegrueb in Weschtditschland grettet. Aber au vum humórige Saarland isch-er wider wégzóge worre un – obwohl-s-em langsám gége dr Strich gange isch – in dr Nordweschtschwiz glandet. Er het aber s PISA-prämierti ditschi Schuelsischtém em schwizerische vorzóge un dódefír au e Stund Fahrt midr effentlige Vrkehrsmittel in Kauf gnumme. Uf erwähntem Gimnásium in erwähntem Dorf unterm Tillinger isch-er schließlig uf dr Bádner troffe; un s gemeinsámi Schicksál vun dene zwei het sin Lauf gnumme.

Sit einiger Zit vrsuecht-er-sich jetz án dr Chemie im multikultürelle Básel. Wil dr nótgeili Bádner in dr Zwischezit emigriert isch, het dr Pól endlig e wunderbári Frau kenneglehrt. Wenn-er nit grád vun Schlitte oder Helikopter üs dr Berig abtranschportiert wird oder sich, vum Bádner zwunge, uf dr Fásent dr Arsch abfriert, no hockt-er deheim vor sinem gediegene, selbschtbaschtelte Computer un schribt-sich fír dr Bádner d Finger wund.