E Bádner z Mainz
Üsem tiefschte innere Wunsch rüs, d Mainzer z lehre, wie-ma riechtig schwätzt, un üsem vun Geburt án drängende Bidierfnis, zue allem dr eigeni Senf dezuezgänn, isch im Októwer 2004 d Kolumni „E Bádner z Mainz“ bóre worre. Erscht áls Vrbindung zwische alter bádischer un neier rhiihessischer Heimet denkt, het-sich dr „Bádner“ mit meh un meh Léser zuemene immer wiechtigere Doküment fír d Velkervrständigung ám Rhii entwickelt – inzwische au wit driewer nüs im kalte nordische Turku un im feinstaubbideckte Bologna.„E Bádner z Mainz“ het friehner „Dr Héchtsemer Humpelndi Bot“ gheiße un stoht in dr guete, schun johrtausendialte Traditión vun dr bádische Bóte. Humor isch immer noch dr beschti Wég zue Frindschaft un Iitracht, ob-s jetz d Politik in Stadt un Land, d gróßi Ereignis in dr Weltgschiecht oder eifach nur persénlig ángstellter Mischt isch, wú d Léser zem Lache un Schmunzle ánrége soll. Aber au d Kultür un d Geschiecht vun dr wunderbáre bádische Heimet trait dr Bóti unters Volk un in d Welt, gnausó wie dr Wohlklang vun sinere alemannische Mueterspróch.
„Dr Pól in Báde“ bigleitet dr „Bádner“ sit einiger Zit áls vielgreister un weltbiwanderter Genossi, macht dr Senf ab un zue noch e wingli schärfer.