Dr Bádner

Dr Bádner isch 1982 im Städtli Lohr in dr schéne Ortenau uf d Welt kumme, isch aber schun im selwe Johr uf Eimeldinge ins nit wéniger herrlige Marikgrèflerland zóge. Sini wundervolli Kindheit un Juegend het-er, abgsehne vun dr Hänseleie vunere gwisse Haltinger Maidli-Gang, soriglós un ohni Problém vrbrócht. Bis-er in dr Oberstuefi vum Kant-Gimnásium imene „kleine Dorf unterhalb vum Tillinger“ (Zitát üs dr Eimeldinger Ortschrónik) uf dr Pól troffe isch.

Seller het-ne schun anderthalb Johr nóch sinem Schuelabschluß dezue brócht, daß-er Hals iewer Kopf üs sinere bádische Heimet gflóhe isch un witer rhiiabwärts in dr Dóm- un Iisgruebmetropóli Mainz e neier Ort zem Bliewe gfunde het. D rhiihessischi Wii, dr Spuntekääs un d Fassenacht sinn zwar kei wirkliger Ersatz fír dr bádischi Getternektar, d ófefrisch-duftendi Ziewelewáje un s alemannisch-schwèwischi Brüchtuem gsii, hänn s Stüdenteléwe in dr neie Heimet aber ganz ángnämm gmacht.

Sit únzällige Johr macht-sich dr Bádner üsser sinere engagierte Ärwet zem Wohl vun dr Wisseschaft au nitzlig fír d informatiónsgeili Gsellschaft un haltet in lokále Tágeszitunge in dr alte un neie Heimet d Gwinner vun Kleidierzuchtwettbiwerb un d Neigrindunge vun Landfrauevrein fescht. Wenn dr Bádner nit grád sin stählerner Kerper in dr Schwimmhall oder uf dr Hantelbank trainiert, kamm-ma ihm efters emól uf dr Spuere vum Jan Ullrich bigégne – bii bsunders rasantem Fahrtabschluß manchmól sógar mit Salto Mortále áls Zuegáb.